Seminario 3: El aragonés chistaban

Seminario 3

Tetulo: “El aragonés chistabín”

Director: Fernando Romanos Hernando

Calendata: 12 de mayo de 2018

Perfil d’os partizipans: Personas interesadas en conoixer l’aragonés vivo. Lingüistas e estudiosos d’as lenguas. Personas que parlan aragonés e quieren amillorar lo suyo nivel.

Contenius e treballo: La finalidat d’este taller ye dar a conoixer lo chistabín dende una perspectiva sozial (qué ye, aon se fabla, qui lo charra, que perzepzions tienen es parladors…) e lingüistica (descripzión d’es principals rasgos, lexico e comparativa con atras variedaz de l’idioma aragonés).

L’actividat se dividirá en cuatro sesions e dos bloques. Lo primer bloque será expositivo, e en él se describirá lo chistabín e los suyos rasgos de manera que s’interactuará con los partizipans. Lo segundo bloque será más practico, ya que s’emitirán vidios con audizions, mosica e textos en chistabín, e se ferán tamién fayenetas escritas per tal de meter en practica lo aprendiu. Asimismo se presentarán los dos zaguers diczionarios de chistabín e un disco-libro en esta variedat, ainas fundamentals pa fomentar lo suyo uso practico.

Perspectivas futuras:

A la chen interesada n’o aragonés chistabín que i partizipe se les ufre la posibilidat de fer un treballo practico basau en textos e audizions en chistabín, e compartir-lo en una futura convivenzia en Chistau, en que s’aloixarían en un ospedache de turismo rural. L’obchetivo ye que sientan la lengua en vivo e que conoixcan la val e redolada en una caledanta per determinar.

Pre d’a inscripzión: 15 €